Веналарнинг варикоз кенгайиши Даволаш учун буни килсангиз….

варикозни даволаш
Spread the love

Веналарнинг варикоз кенгайиши даволаш йуллари

Веналарнинг варикоз кенгайиши (варикоз касаллиги) оёқлар териости (юзаки) веналарининг кенгайиши, клапанларнинг (қопқоқларнинг) яроқсизланиши ва веноз қон оқишининг бузилишидан келиб чиқади.

Бирламчи варикоз кенгайиш юзаки вена деворлари заифлиги, вена қопқоқларининг нуқсонлари билан боғлиқ. Бир қанча бошқа касалликлар ва жараёнлар (семириш, ҳомиладорлик, узоқ муддат тик туриш, бириктирувчи тўқиманинг туғма заифлиги) бу касалликнинг ривожланишига имкон беради.

Иккиламчи варикоз кенгайиши чуқур веналар ўтказувчанлигининг бузилиши муносабати билан (тромбоз, вена қопқоқчалари етишмовчилиги, вена деворларини туғма заифлиги ва ҳоказо) веноз кон оқишининг бузилиши натижасида юзага келади.

варикозни даволаш

Веналарнинг варикоз кенгайиши  Белгилари

• Варикоз касаллигида веналар кенгайиши пайдо бўлгунига
қадар оғир оёқлар деб аталадиган синдромни пайқаш мумкин
кечки пайтларга бориб бемор оёқлари шишади, оғрийди,
киши ўзини чарчагандай ҳис қилади.

• Томир юлдузчалари (телеангиоэктазиялар) унча катта
бўлмаган томирчалар тўрлари пайдо бўлиши мумкин.

• Асосий белгиси тери орасидан шишган, сертугун, кўриниб турган веналар бўлиб, тери сиртига ирғиб чиқади.

• Сўнгги босқичларда тери рангининг ўзгариши, веналар
атрофидаги терида ҳам, веналарнинг ўзида ҳам шамоллашнинг
ривожланиши (тромбофлебитлар), варикоз тугунчалардан қон
кетиши кузатилади, яхши битмаган яралар пайдо бўлади.

варикозни даволаш

Веналарнинг варикоз кенгайиши Энг хавфли асоратлари:

• ўткир тромбофлебит;

• варикоз тугунининг ёрилиб қон кетиши,

• трофик яралар.

Шифокорга қачон мурожаат қилиш керак?
Касалликнинг дастлабки аломатлари пайдо бўлганда шифокорга (қон томир жарроҳига) мурожаат қилиш керак. Фақат

бошланғич паллалардагина варикоз касаллиги ривожланишининг олдини олиш мумкин.

варикозни даволаш

Веналарнинг варикоз кенгайиши ШИФОКОР КЎРСАТМАЛАРИ

Текширишлар

Ташхис қўйиш учун умумий шифокор кўриги ва одатдаги
таҳлиллар буюришдан ташқари, веноз қон айланишининг ҳолати
текширилади. Касаллик сабабларини аниқлаш ва тўғри даволаш учун чуқур веналар ўтказувчанлигини текшириш ва вена
қопқоқчалари фаолиятини аниқлаш катта аҳамият касб этади.
Шу мақсадда турли усуллар қўлланади.

• ультратовуш текшируви (допплерография, дуплекс сканирлаш ва ҳоказо);

• рентгеноконтраст флебография ва ҳоказо.

варикозни даволаш

Веналарнинг варикоз кенгайиши  Муолажа

Варикоз касаллигини даволаш томир жарроҳларининг (флебологлар) вазифасига киради, улар айни вақтда беморни қандай даволашни ҳал этишади. Жарроҳсиз муолажа (склерозловчи терапия, хирургик операция) касаллик ривожланишининг
чўзилишига сабаб бўлиши мумкин, холос, аммо бунда варикоз
веналарини йўқотишга эришиш жуда қийин кечади.

Варикоз касаллигини даволашнинг консерватив усуллари ҳам
бор. Улар, асосан, касаллик ривожланишининг илк босқичларида самара беради. Бунда дори воситалари билан биргаликда
компрессион муолажа ҳам қўлланилади.

Дори воситалари. Дори воситаларини шифокор тавсияси ва
унинг назорати остида ичиш лозим.

Суртма дорилар (геллар, мойлар, суртмалар); Актовегин, Гепатромбин, Рутозид (Рутин, Венорутон), Троксерутин (Троксевазин).

Ичиладиган дорилар: Анавенол, Антистакс, Венза, Веноплант,
Гинкорфорт, Детралекс, Кальций добезилат (Доксилек, Доксиум,
Доксихем) Трибенозид (Гливенол), Троксерутин (Троксевазин).

варикозни даволаш

Веналарнинг варикоз кенгайиши  Компрессион муолажа

Мутахассис махсус тиббий буюм танлайди (махсус чулки, колгот, гольф), уни ҳар доим кийиб юриш керак. Тиббий кийимни танлаш ва ундан фойдаланиш бемор хоҳишига кўра амалга оширилади.

Атеросклероз ДАВОЛАШ нималардан кочиш керак нима мумкун эмас

Веналарнинг варикоз кенгайиши Жарроҳлик муолажаси

• Склерозли муолажа варикоз веналарга махсус дориларни
киритишдан иборат. Яъни, веналар олиб ташланмайди, балки
махсус модда билан «елимлаб ёпиштирилади». Аслида бу жуда ингичка игна билан муаммоли жойга шунчаки укол
қилишдир. Одатда бошқа усуллар билан биргаликда қўлланилади (компрессион муоалажа, флебэктомия ва ҳоказо).

• Варикоз касаллиги муносабати билан жарроҳлик воситаси
веналарни олиб ташлаш (флебэктомия)дагина эмас, балки вена
қопқоқчаларини даволашда ҳам (тикловчи операция) қўлланади. Игна санчиш орқали бажариладиган кичик инвазив аралашуви каби (эндоскопик флебэктомия, электрокоагуляция ва
ҳоказо) очиқ жарроҳлик амалиёти ҳам қўлланади.

• Жарроҳлик муолажаси ёки склерозлаштирилгандан кейин
4-6 ой мобайнида чўзилувчан докалар ёки тиббий кийимлар
кийиб юриш тавсия этилади.

варикозни даволаш

Веналарнинг варикоз кенгайиши  ТАБИИЙ ВОСИТАЛАР Халқ табобати рецептлари (дамламалар)

Каштан гуллари 0,5 л ароққа 50 гр солинади. Иссиқ, қоронғи жойда 2 ҳафта тиндирилади, ҳар куни чайқатилиб, докадан ўтказиб турилади. 3-4 ҳафта давомида кунига 3-4 марта 30-40 томчидан ичилади. Настойкани уйку олдидан кенгайган венали териларга суртилади.

Қичитқи ўт япроқлари бир ош қошиғи бир стакан қайнаган сувга солиниб, сўнг 30 дақиқа тиндирилгач, докадан ўтказилади, овқатдан бир соат кейин кунига 3 маҳал бир стакандан
ичилади. Қичитқи ўт япроқлари солинган дамламани касалликнинг бошланғич палласида ичилади, айниқса, оёқни настойка билан ванна қилинса, бу фойдали, уни тайёрлаш
сиртдан қўлланадиган дорилар рецептларида келтирилган.

12 та каштанни қоқ иккига бўлинади ва 3 л қайнаган сув қуйилади, 200 гр шакар қўшилади ва совугач, пичоқ учида хамиртуруш ташланади. 10 кун тиндирилиб, сузғичдан ўтказилади ва кунига 3-4 маҳал бир стакандан, овқатдан 15 дақиқа олдин ичилади. Муолажа муддати 3-4 ой. Навбатдаги ачитқи 3 кун тиндирилади. Каштанлардан 3-4 марта фойдаланса
бўлади.

Веналарнинг варикоз кенгайиши  Халқ табобати рецептлари (суртмалар)

Каштан пўсти бўлиши эҳтимол тутилган ҳолат. Биринчидан (уруғ пўсти) қайнатмасидан оёқдаги оғриқларни йўқотишда, болдир мушакларининг тунги томир тортишларида фойдаланилади. 100 гр пўстлоқ уруғ пўстидан ванна тайёрлаш учун 2 л сув қуйилади, паст оловда 15 дақиқа қайнатилади, 4 соат тиндирилиб, сузғичдан ўтказилади. Муолажа вақти
15 дақиқа, бир курс муолажа муддати 10 кун, кунора бажарса ҳам бўлади.

Оёқ ваннаси учун ботқоқ ўсимлиги настойкаси (димламаси) қуйидагича тайёрланади: 100 гр қуруқ ўтга 2 л қайнаган сув солиниб, тиндирилади, сузғичдан ўтказилади. Ванна ҳар
куни ёки кунора қилинади, қичитқиўт настойини ичиб, муолажа бирга олиб борилади. Амал муддати 15 дақиқа, муолажа муддати тузалгунча.

200 гр асалга бир ош қошиқ йирик туз аралаштирилади. Аралашма касал веналар бўйлаб оёқ терига юпқа қилиб суртилади. Пергамент қоғоз ёпиб (целлофандан фойдаланиш тавсия этилмайди), дока билан ўралади. Компресс икки кун сақланади, кейин бир кун дам берилади. Муолажа муддати 9 кун.

Сувли ва пишган помидор майда қилиб тўғралади ва қаттиқ шамоллаган веналарга ёпиштириб чиқилади, устидан дока
билан енгил боғлаб қўйилади. 3-4 соатдан кейин янги помидор тўғрамлари билан алмаштирилади.

(Visited 16 times, 1 visits today)

Related posts

Leave a Comment