Тамок огриши Ларингит даволаш усуллари хакида топ малумотлар
Тамок огриши Ларингит халқум шиллиқ пардасининг ўткир ёки сурункали яллиғланиши. Кўпинча бу ўткир респиратор инфекцион касаллиги, грипп, дифтерия, қизилча, кўкйўтал ва ҳоказолар билан кўшилиб келади. Умумий ёки бир жойни совуқ уриш, товушнинг кучаниб чиқиши, чангли ҳавони, касал қўзғатувчи буғ ва газларни ютиш, овқатланишдаги пала-партишлик, чекиш, меъёрдан ортиқ арақ ичиш унинг ривожланишига имкон туғдиради. Сурункали ларингит, одатда, ўткир ларингитдаги сабаблар билан юзага келади, аммо бу сабаблар доимо ва узоқ амал қилади.
Тамок огриши Ларингит Белгилари
Ўткир ларингит
• Киши ўзини бардам сезиб юрганида ёки хиёл сирқовланганида тўсатдан бошланади.
• Тана ҳарорати одатдагидек ёки 39°С гача кўтарилади.
• Куруқшаш, жизиллаш, тирнаш ҳисси ва ҳалқумда бир нарсанинг бордек сезилиши.
• Овоз чийиллаб чиқади, гоҳо чиқмайди (афония). Тез-тез қийноқли йўтал тутилади.
• Куруқ йўтал ҳўл йўталга алмашади, катта миқдорда балғам ажралиб чиқади.
• Тўғри муолажада касаллик 5-10 кунга чўзилади. Ўткир ларингит, айниқса ёш болаларда хавфли асорат қолдиради. Яллиғланиш шундай шиддатли кечадики, шиллиқ парда ҳавонинг ҳалқумга киришига йўл қўймайди (ёлғон круп): нафас шовқинли бўлади, бола йиғлайди, безовталанади, оғир ҳолларда кислород етишмаслиги нафасни тўхтатиб қўйиши мумкин.
Сурункали ларингит Тамок огриши
• Товушнинг доимий хириллаши ва тез толиқиши, томоқда қичиш, қирилиши, вақти-вақти билан балғамли йўтал. • Товуш оҳанги ўзгариши ва қўпол, заиф, паст оҳангга ўтиши. • Бу барча аломатлар касаллик зўрайганда кучаяди.
Шифокорга қачон мурожаат қилиш керак?
Ларингит аломатлари сезилиши билан шифокорга мурожаат қилиш керак.
Болаларда буғилиш (ёлғон круп) хуружқилганида «тез ёрдам» чақириш керак.
ШИФОКОР КЎРСАТМАЛАРИ Текширув
Умумий шифокор кўригидан ташқари, шифокор айниқса сурункали ларингитда ёки ўткир ларингит чўзилиб кетганида қўшимча текширув усулларини буюриши мумкин:
•ларингоскопия; • қон таҳлили; • кўкрак қафаси флюрографияси; • ҳалқумдан олинган суюқлик, шиллиқларни бактериологик текширув.
Тамок огриши Муолажа
Ҳалқум бутунлай тинч бўлиши учун касалликнинг биринчи кунидан гаплашмаслик (Товуш тинчи) тавсия этилади, чекиш ва ичиш ман қилинади. Аччиқ зирва ва зираворлар ҳам истисно этилиши керак. Илиқ ичимликлар ичиш фойдали (сут, боржоми суви), мойчечак ёки шалфей қайнатмаси билан томоқ чайилади, илиқ ишқорли инголяция қилинади, бўйин иссиқ тутилади (бўйинбоғ ёки иситувчи компресс), иссиқ-иссиқ ваннада чўмилиш лозим. Аччиқ, қайноқ ва муздек овқатлар истисно этилади.
Дори воситалари. Йўтал тутиб турганида шифокор йўтал дори тайинлайди, иситмада ва томоқ қаттиқ оғриганда оғриқ босувчи, иссиқ туширувчи ва шамоллашга қарши дорилар ёзиб беради. Аэрозол ёки сўриладиган антибиотиклар тайинлайди. қўйиладиған дорилар
Оғриған жойларға
• Антибиотиклар: Амбазон (Фарингосепт) • Гексетидин (Гексорал) • Грамицидин (Граммидин) • Фузафунжин (БИопарокс).
Ичиладиган дорилар
• Йўтал дорилар: Аекст плюс • Бутамират (Синекод) • Глауцин (Глаувент) • Леводропропизин (Левопронт) • Преноксдиазин (Либексин) • Фалиминт.
• Оғриқ босувчи, исиқ туширувчи ва шамоллашга қарши дорилар: Метамизол (Анальгин, Баралгин М) • Парацетамол (Калпол, Панадол, Эффералган) • Ацетилсалицил кислотаси (Аспирин).
ТАБИИЙ ВОСИТАЛАР Халқ табобати рецептлари (дамламалар)
1 бўлак туйилган саримсоқпиёзни 1 стакан сутда қайнатилади ва ярим соат ичида ҳаммаси ичиб тугатилади.
Овоз хириллаб, йўталганда халқ табобати оқ майизни қайнатишни тавсия этади. 2 ошқошиғи 200 мл сувга солинади, ошқошиқда пиёз суви қўшилади. Чорак стакандан кунда 34 маҳал илиқ ҳолда ичилади, асал қўшса ҳам бўлади.
Илиқ олма қайнатмаси ёки дамламаси настойи йўтал, овоз хириллаши, халқум шиллиқ пардаси шишган ўткир респиратор касалликларида самара беради. Ташқи муолажа учун халқ табобати рецептлари Эман пўстлоғи 10 гр, калина пўстлоғи 10 гр олинади. Тўплам туйилганидан 20 гр 200 мл совуқ сувга солиниб, 15 20 дақиқа қайнатиб, 1 соат тиндирилади, 20-30 гр 1 ингаляцияга ёки томоқ чайишга кетади.
Кайин барги дамламаси (дамламаси) 200 мл га 5 гр, маврак япроғи дамламаси 200 мл сувга 10 гр, провохлебка илдизи қайнатмаси 200 мл сувга 5 гр аралаштирилади, 1 ингаляцияга 50 мл аралашма кетади.
Зубтурум япроғи настойи 200 мл га 15 гр туятовон япроғи настойи 200 млга 5 гр. Настойлар аралаштирилади. Ингаляциялар учун 50 млдан, 5-6 кун бажарилади.
