O’PKA SILI XASTALIGIDA
O’pka xastaliklari kelib chiqishiga o’pkaning kuchli darajada shamollashi va yallig’lanishi sabab bo’ladi. Bundan tashqari, inson ish jarayoni (mehnat qilishi) kechadigan sharoit ham o’pkaning zararlanishiga omil bo’la oladi. Ko’pincha yuqumli tumov va shamollash kasalliklarini oyoqda o’tkazgan hamda uni oxirigacha davolatmagan kishilarda o’pka kasalligi paydo bo’lib, o’zining xunuk asoratlarini qoldiradi.
Ibn Sino zig’ir urug’i qaynatmasini sutga qo’shib, o’pka sili kasalligida 2-3 oy nahorda yarim stakandan ichishni tavsiya etgan. Zig’ir urug’idan qaynatma tayyorlash uchun og’zi yopiladigan idishga 1,5 stakan suv quyib, ustiga 2 choy qoshiq maydalangan urug’ solinadi. Biroz qaynagach, 10 daqiqa tindirib qo’yiladi. Keyin shishaga solib, chayqatiladi va dokadan suziladi.
