Гижжа Митти қуртлар  

Spread the love

Гижжа Митти қуртлар  

Гижжа Митти қуртлар   Бу қуртларнинг узунлиги 3-5 см.дан ошмайди. Бошида тўртта сўрғичи ва 24-30 та илмоқчаси бор. Балоғатга етган қуртлар одамнинг ингичка ичагида яшайди.


Уларнинг оралиқ ва охирги хўжайини одам ҳисобланади. Бу ёпишқоқ қуртнинг тухуми меъда-ингичка ичак йўлига ташқаридан кириб қолса, пўстини ташлайди, ундан ҳосил бўлган личинкалар ичак тукларига кириб,цистицеркоидларни пайдо қилиб, ривожланишида давом этади.

Бу “ёш” митти қуртлар тукларга тазйиқ қилади, улар некротлашади. Сўнгра қуртлар ичак деворига ёпишиб олади, 21-23 кун ўтгач, балоғатга етади. Улар тухум қўяди, тухумда одамларни касаллантирадиган личинкалар бўлади.

Шу ҳолатда бемор организмида ривожланиб, ахлат билан ташқарига чиқади, қолган тухумлар эса соғлом одамларга юқиши мумкин. Беморнинг меъда-ичак фаолияти бузилади, иштаҳаси ёмонлашади, меҳнат қобилияти пасаяди. Бу касаллик, айниқса, болалар орасида кенг тарқалган. Бу касаллик қўлга қурт тухумларининг тушиб қолиши натижасида юқади.

Гименолепидоз Ўзбекистоннинг барча вилоятларида, асосан, болалар орасида кўплаб учрайди. В.Лемелев, В.Серебряковларнинг маълумотига қараганда, беморларнинг 95 фоизини 3 ёшдан 13 ёшгача бўлган болалар ташкил қилади. Шундай қилиб, митти қурт касаллигининг тарқалишида шахсий гигиенанинг роли муҳимлиги кўриниб турибди. Кичик ёшдаги болаларда шахсий гигиена қоидаларига қатъий риоя қилмаслик туфайли улар дарҳол касалликка чалинадилар.

(Visited 103 times, 1 visits today)

Related posts